ފައިސާގެ ސްޕްލައިއަށް 15 ބިލިއަން ރުފިޔާ އިތުރުކޮށްފި ނަމަ ޑޮލަރުގެ އަގު 24 ރުފިޔާއަށްވުރެވެސް މަތިވެބާޒާރުގެ އަގުތައް އުފުލޭނެ ކަމަށް ކުރީގެ ރައީސް، ރައީސް މުޙައްމަދު ނަޝީދު ވިދާޅުވެއްޖެއެވެ.
މޯލްޑިވެސް މަނިޓަރީ އޮތޯރިޓީ (އެމްއެމްއޭ) އިން އެޗްޑީސީގެ ރިއަލްއެސްޓޭޓް މާކެޓަށް 15 ބިލިއަން ރުފިޔާ އިންވެސްޓް ކުރަން އުޅޭ ކަމަށް ދެކެވޭ ވާހަކަތަކާ ގުލޭގޮތުން ރައީސް ނަޝީދުގެ އެކްސް އެކައުންޓުގައި ކޮސްފައިވާ ޕޯސްޓުގައި ވިދާޅުވެފައިވަނީ މާލީ މަރުކަޒެއް ތަރައްޤީކުރުމުގެ ނަމުގައި އެމްއެމްއޭ އިން، ރިއަލް އެސްޓޭޓް ގަތުމަކީ އައިއެމްއެފްއިން ހުށަހަޅާފައިވާ މާލީ ފިޔަވަޅުތައް ތަންފީޒުކުރުމަށް ސަރުކާރުން ވެފައިވާ ވަޢުދުތަކާ ވަރަށް ބޮޑަށް ޚިލާފު ކަމެއް ކަމަށެވެ. އަދި މި ފިޔަވަޅަކީ އަސްލު ޙަޤީޤަތުގައި ފޮރުވިފައިވާ ފައިސާ ޗާޕުކުރުމެއް ކަމަށެވެ.
The MMA, the country’s central bank, purchasing real estate under the guise of developing a financial center is not only highly irregular but also a significant departure from the government’s pledges to implement fiscal consolidation measures as recommended by the IMF. This…
— Mohamed Nasheed (@MohamedNasheed) March 9, 2025
އަދި ފައިސާގެ ސަޕްލައި 14 ބިލިއަން ރުފިޔާއަށް އިތުރުކުރުމުގެ ސަބަބުން، އެމެރިކާ ޑޮލަރުގެ ރޭޓު 24 ރުފިޔާއަށް ވުރެ މަތިވުމަކީ ގާތްކަމެއް ކަމަށާއި، އޭގެ ނަތީޖާއެއްގެ ގޮތުން އަގުތައް އުފުލިގެންދާނެ ކަމަށާއި ސަރުކާރުން މިކަމާއި މެދު އަލުން ވިސްނައި، ބަޖެޓް ޑެފިސިޓް ކުޑަކުރުމުގެ ފިޔަވަޅުތަކަށް އެނބުރި ދާންޖެހޭ ކަމަށް ވިދާޅުވެފައި ވެއެވެ.
