މިފްކޯ މަސްފިހާރަ 2 ބަންދު ކުރަން ނިންމާފައިވާކަމަށް މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީން އިއުލާންކޮށްފި އެވެ.
މިފްކޯ މަސްފިހާރަ 2 ބަންދު ކުރާކަން އެ ފިހާރައިގެ ބޭރު ލޯގަނޑުގައި ވަނީ އިއުލާންކޮށްފަ އެވެ.
މި ފިހާރަ ބަންދު ކުރާ ސަބަބާ ގުޅިގެން ސުވާލު ކުރުމުން މިފްކޯއިން ބުނެފައިވަނީ މި ފިހާރައިގެ މާ ބޮޑު ބޭނުމެއް މިވަގުތު މިފްކޯއަށް ނެތް ކަމަށެވެ.
"މިފްކޯ މަސްފިހާރަ 2 ބަންދު ކުރި ނަމަވެސް ހުރިހާ ހިދުމަތް ހުއްޓުމެއް ނެތި މިފްކޯ މަސްފިހާރަ 1 އިން ހަމަ ލިބެމުން ދާނެ. ކަސްޓަރަމުންނަށް ހިދުމަތްތައް ބަރާބަރަށް ލިބޭނެ."
މަސްފިހާރަ 2 ބަންދު ކުރުމަށް ފަހު އިތުރު ފިހާރައެއް ހުޅުވުމުގެ ވިސްނުމެއް ގެންގުޅެންތޯ ސުވާލު ކުރުމުން މިފްކޯއިން ބުނީ އެ ފިހާރަ ބަންދު ކުރުމަށް ފަހު އިތުރު ފިހާރައެއް ހުޅުވުމުގެ ވިސްނުމެއް ނުގެންގުޅޭ ކަމަށެވެ.
މިފްކޯ މަސްފިހާރަ 2 ގައި ގިނަ ހަރުތަކެއް ހުސްކޮށް ހުންނަތާ ދުވަސްކޮޅެއް ވެފައިވާއިރު އެކަމުގެ ޝަކުވާ ވަރަށް ގިނައިން ސޯޝަލް މީޑިއާގައިކޮށްފައިވެ އެވެ.
