ބޭންކް އޮފް މޯލްޑިވްސް (ބީއެމްއެލް) އިން ގެދޮރު ގަތުމަށް ދޫކުރާ ލޯނުގެ އިކުއިޓީގެ 75 އިންސައްތަ ކުޑަކޮށްފި އެވެ.
ބީއެމްއެލްގެ ސީއީއޯ އަދި މެނޭޖިން ޑިރެކްޓަރު މުހައްމަދު ޝަރީފް ވިދާޅުވީ ދިވެހި އާއިލާތަކަށް ގެދޮރުވެރިކަން ހޯދުމަށް ބޭނުންވާ އެހީތެރިކަން ފޯރުކޮށްދިނުމަށް ބީއެމްއެލް އިން ހެޔޮ ބަދަލުތަކެއް ގެންނަމުން އަންނަ ކަމަށެވެ. އެގޮތުން ގެދޮރު ގަންނަން ބޭނުންވާ ފަރާތްތަކުން މީގެ ކުރިން އިކުއިޓީގެ ގޮތުގައި ބޭންކުގައި ބަހައްޓަންޖެހޭ 20 އިންސައްތައިގެ ބަދަލުގައި 5 އިންސަތައްތައަށް އިކުއިޓީ ކުޑަކޮށްފައިވާ ކަމަށެވެ. އަދި ގެދޮރު ގަތުމަށް ދޫކުރާ ފައިނޭންސިންގެ އިކުއިޓީ ދަށްކުރުމުން، ގެދޮރުވެރިކަން ބޭނުންވާ މީހުންނަށް މާލީ ގޮތުން ކުރިމަތިވާ އެންމެ ބޮޑު ގޮންޖެހުމަށް ހައްލެއް ލިބޭނެ ކަމަށް ވެސް ވިދާޅުވި އެވެ.
މިސާލަކަށް، 3.5 މިލިއަން ރުފިޔާގެ އެޕާޓްމަންޓެއް ގަންނަން ބޭނުންވާ ފަރާތަކުން ކުރިން 20 ޕަސެންޓްގެ ގެ އިކުއިޓީގެ ގޮތުގައި 700,000 ރުފިޔާ ހޯދަން ޖެހުނު ނަމަވެސް، މި ބަދަލާ އެކު އެ އަދަދު މިވަނީ 175,000 ރުފިޔާއަށް ދަށްވެފައި،" މެނޭޖިންގ ޑިރެކްޓަރ ޝަރީފް ވިދާޅުވި އެވެ.
މީގެ ކުރިން ބީއެމްއެލް އިން ވަނީ ރާއްޖޭގެ ކޮންމެ ރަށެއްގައި ވެސް ގެދޮރު އިމާރާތްކުރުމާއި މަރާމާތު ކުރުމަށް އިތުރު ރަހުނަކާ ނުލާ ދޫކުރާ ލޯނުގެ އަދަދު 3 މިލިއަން ރުފިޔާއަށް ބޮޑުކޮށްފަ އެވެ.
